Правото на додаток за слепило се обезбедува за потполно слепо лице односно лице кај кое што постои оштетување на видот од 98% до 100%, со навршени 26 години.
Месечниот износ на додатокот изнесува 7.000 денари, усогласен со порастот на трошоците на живот за претходната година, објавени од Државниот завод за статистика, во јануари за тековната година.
Правото на додаток за слепило не може да оствари лице кое што го користи правото на цивилна или воена инвалиднина, согласно со закон.
Правото на додаток за слепило се остварува од денот на поднесување на барањето, а врз основа на конзилијарно мислење потпишано од тројца лекари специјалисти или врз основа на наод и мислење донесен од страна на првостепена комисија за утврдување на правото на додаток за слепило, која што го утврдува видот и степенот на оштетувањето и потребата за остварување на ова право.
Во постапката по жалба против наодот и мислењето на првостепената комисија за остварување на право на слепило, наод и мислење дава второстепена комисија.